"Чәчәк ат, минем шәһәрем!" Бөгелмә балалар биология үзәгендә экологик бәйрәм узды
"Чәчәк ат, минем шәһәрем!" – Бөгелмә районының балалар экологик-биологик үзәгендә "Чәчәк ат, минем Республика!" республика эко-квесты кысаларында шундый исемле бәйрәм узды. Чарада шәһәрнең 5 мәктәбе (№12, №4, №1, №9 һәм №14 татар гимназиясе) катнашты. Чара программасы бик бай иде. Мәктәп укучылары яраксыз материаллардан эшләнмәләр ясау буенча мастер-классларда катнашты, күргәзмәдә экология өлкәсендә үзләренең казанышларын күрсәтте, үзләренең эко-проектларын яклады. "Бөгелмә – киләчәк шәһәре" проекты катнашучыларда аеруча зур кызыксыну уятты, аны үзәктә эшләүче "Табигать һәм сәнгать" берләшмәсе балалары тапшырган иде. Кәгазьдән, пластиктан һәм пенопласттан балалар газиз шәһәрләренең макетын ясаган. Биредә – парклар һәм скверлар, җил тегермәннәре һәм кояш батарейкалары. Үзәк директоры Татьяна Саломатова билгеләгәнчә, биредә тәрбияләнүчеләр экологиягә ничек итеп продуктив якын килеп булганлыгын күрсәтте.
Чарада ТР Экоминистрлыгының Көньяк-Көнчыгыш территориаль идарәсе белгечләре дә катнашты. "Бөгелмәдә үсеп килүче буын бик сөендерә. Икенчел чимал җыюда бик актив катнашалар: даими рәвештә макулатура һәм яраксызланган батарейкалар тапшыралар, шул рәвешле экология өлкәсендәге белемнәренең һәм аңлы булу дәрәҗәсе югары булуын күрсәтәләр", – дип билгеләде инспектор Марат Узаков.
Бәйрәм азагында барлык катнашучыларга ТР Экология һәм табигый ресурслар министрлыгыннан грамоталар һәм истәлекле бүләкләр тапшырылды.
ТР ЭТРМ матбугат хезмәте