"Яшь эколог мәктәбе"ндә тәрбияләнүчеләр Министрлыкның Үзәк эко-лабораториясендә кунакта булды
Бүген "Яшь эколог мәктәбе"ндә тәрбияләнүчеләр Татарстан Республикасы Экология һәм табигый ресурслар министрлыгының Үзәк махсуслаштырылган аналитик контрольлек инспекциясе эшчәнлеге белән танышты. Инспекция башлыгы урынбасары Андрей Бодяжин мәктәп укучылары өчен инспекция бүлекчәләре буйлап экскурсия уздырды, туфрактан, судан һәм һавадан анализ үрнәкләре алу һәм анализ ясау тәртибе белән таныштырды, эш җайланмаларын һәм приборларын күрсәтте. Белгечләр җитәкчелегендә яшь белгечләр мөстәкыйль рәвештә суның кислоталы-селтеле күрсәткечен үлчәде, шулай ук көч бирә торган дым үрнәкләренә тест-объектлар ярдәмендә токсикологик тикшерүләр уздырды. Танып-белү чарасы кысаларында ТР Экоминистрлыгының Үзәк территориаль идарәсе белгече Айсылу Ибраһимова укучылар өчен лекция уздырды, дәрес барышында эколог һөнәре, экологик хокук нигезләре турында һәм экологик хокук бозу очракларына тап булган очракта нинди чаралар күрергә тиешлеге хакында сөйләде. ҮТИ хезмәткәре билгеләгәнчә, моңа охшаш экскурсияләр уздыру укучыларга булачак һөнәр сайлауда булыша, шулай ук табигатькә карата сакчыл караш тәрбияли.
ТР ЭТРМ матбугат хезмәте