Казанда "Яшел маршрут" россиякүләм конкурсы узачак
15 майдан 14 августка кадәр Казанда "Яшел маршрут" россиякүләм конкурсы узачак. Конкурсның читтән торып уздырыла торган этабында катнашу өчен 7-15 кешелек составтагы командаларга экологик сукмак сайларга, маршрутның тарихи әһәмияте турында белешмә төзергә һәм аны популярлаштыру турында тәкъдимнәр тапшырырга кирәк. Материаллар TURDOBRA@yandex.ru электрон почтасына 15 июньгә кадәр җибәрелә.
Беренче этапны уңышлы узган командалар турыдан-туры этапта катнашачак. Әлеге өлештә белдерелгән маршрутны узу һәм россиякүләм өмә уздыру күздә тотыла. Конкурста җиңүчеләрне 5 сентябрьдә игълан итәчәкләр.
Конкурста катнашу нигезләмәсе һәм шартлары белән ТР Яшьләр эшләре һәм спорт министрлыгы сайтында яшьләр сәясәте – нигезләмәләр һәм проектлар бүлегендә танышырга мөмкин.
ТР ЭТРМ матбугат хезмәте