800дән артык Буа кешесе территория җыештыру эшенә чыкты

2018 елның 27 апреле, җомга

Буа районында территорияләрне җыештыру чарасында 800дән артык кеше катнашты. Муниципаль берәмлекләрнең хезмәткәрләре, мәктәпләрдә укучылар һәм шәһәр халкы ишегалды һәм йорт яны территорияләрен чистартты, юл буйларыннан чүп-чар җыйды, агачларны агартты. Өмәдә катнашучылар билгеләп узганча: "Санитар-экологик икеайлык – ул бергәләшеп, уртак тырышлык белән әйләнә-тирә мохитне саклауга өлеш кертү, шәһәрләрнең территорияләрен кыска вакыт эчендә тиешле экологик халәткә китерү мөмкинлеге". Җыештыру эшләре барышында Буа халкы 6 мең кубометрдан артык чүп-чар җыйды.

ТР ЭТРМ матбугат хезмәте