Республиканың Көньяк-Көнчыгыш һәм Ык буе төбәкләрендә санитар-экологик икеайлыкка әзерлек тикшерелде
Күзәтчелек чараларын көчәйтү һәм халык белән эшләүне активлаштыру. Бүген Әлмәттә һәм Азнакайда республикада санитар-экологик икеайлыкны уздыру бурычлары турында сөйләштеләр. Көньяк-Көнчыгыш һәм Ык буе муниципаль районнарында табигать саклау чараларына әзерлекне Татарстан Республикасы экология һәм табигый ресурслар министры урынбасары – әйләнә-тирә мохитне саклау өлкәсендә Татарстан Республикасының баш дәүләт инспекторы Фаяз Шакиров тикшерде. "Киләсе ике ай эчендә безне зур күләмле эш көтә, ул республиканың санитар-экологик торышын яхшыртуга юнәлдерелгән. Даими мониторинг һәм калдыкларны санкцияләнмәгән рәвештә урнаштыру урыннарын юкка чыгару буенча тулы комплекслы чаралар күрү файдалы нәтиҗәләргә ирешү мөмкинлеген бирәчәк", – дип ассызыклады Фаяз Шакиров.
Икеайлык уздыру буенча зональ киңәшмәләрдә республиканың Әлмәт, Бөгелмә, Нурлат, Лениногорск, Чирмешән, Азнакай, Мөслим, Ютазы һәм Баулы районнары вәкилләре катнашты. 1 апрельдән башлап профильле министрлыклар һәм ведомстволар, предприятиеләр һәм оешмалар, республиканың муниципаль берәмлекләрендәге башкарма комитетлар табигать саклау чараларын тормышка ашыра башлаячак.
ТР ЭТРМ матбугат хезмәте