"Юннат-2018"
Республиканың 150дән артык яшь тикшеренүчесе Автокалада әйләнә-тирәлекне саклау буенча идеяләрен җиткерде. 22 санлы гомуми белем бирү мәктәбендә кечкенә сыйныфларда укучылар өчен "Юннат-2018" V региональ фәнни-гамәли экология конференциясе узды. Конференциядә катнашучылар, чагыштырма анализ уздыру, күзәтүләр һәм лаборатор тикшеренүләр үткәрү юлы белән, әйләнә-тирә мохитнең үзенчәлекләрен, җәмгыять белән табигатьнең үзара бәйләнешен өйрәнде, табигать ресурсларын саклау һәм торгызу методларын карады. Фәнни-гамәли эшләрне 6 юнәлеш буенча күрсәттеләр:
- "Икенче чималны кеше тормышында файдалану";
- "Үсемлекләр экологиясе";
- "Уртак экология";
- "Кеше экологиясе";
- "Су экологиясе";
- "Хайваннар экологиясе".
Жюриның даими әгъзалары, Татарстан Республикасы Экология һәм табигый ресурслар министрлыгының Чулман буе территориаль идарәсе хезмәткәрләре билгеләп узганча, эшләрнең сыйфаты да, эчтәлеге дә елдан-ел арта бара. "Үз күзәтүләре нигезендә укучылар йомгак ясый һәм чишелеш юлларын таба – шул факт аеруча мөһим", – дип ассызыклады экологлар.
Конференциядә җиңүчеләр һәм призерлар бу көнне дипломнар белән бүләкләнде. Чарада катнашучыларның барысына да сертификатлар тапшырылды.
ТР ЭТРМ матбугат хезмәте