Әлмәттә батарейкалар җыю буенча "Собиратор" экологик акциясе старт алды
Әлмәт районындагы мәктәп укучылары һәм мәктәпкәчә яшьтәге балалар батарейкалар җыю буенча "Собиратор" экологик акциясендә катнашырга чакырыла. Чараны оештыручылар – Әлмәт районы Экология һәм табигатьтән файдалану департаменты белән берлектә Татарстан Республикасы Экология һәм табигый ресурслар министрлыгы Көньяк-Көнчыгыш территориаль идарәсе.
Әлеге акция кысаларында анда катнашучыларга 2 апрельгә кадәр яраксызга чыккан ток чыганакларын тартмаларга яисә шешәләргә җыярга кирәк. Җыелган батарейкаларны 2 һәм 3 апрель көннәрендә гомуми кабул итү пунктында тапшырырга кирәк, түбәндәге адрес буенча: Әминов урамы, 9а. Яраксызга чыккан батарейкаларның иң күпләп тапшырган балалар җиңүче булачак. Иң яхшы катнашучыларның исемнәре 4 апрельдә әйтеләчәк.
Катнашу кагыйдәләре турында тулырак мәгълүматларны түбәндәге электрон почта аша белешергә мөмкин: ekologiabuh@rambler.ru
ТР ЭТРМ матбугат хезмәте