Яшел Үзән районында "Һәр сыерчыкка – берәр сарай" конкурсы игълан ителде
Яшел Үзән районы мәктәп укучылары "Һәр сыерчыкка – берәр сарай" конкурсында катнашуга чакырыла, әлеге чараны Татарстан Республикасы Экология һәм табигый ресурслар министрлыгының Үзәк территориаль идарәсе район Башкарма комитетының Мәгариф идарәсе белән берлектә оештыра.
Конкурс 3 номинация буенча уза:
- "Оптималь вариант" (кошларның барлык ихтыяҗларына җавап бирә торган сыерчык оясы);
- "Креатив сыерчык оясы" (иң оригиналь сыерчык оясы);
- "Милли колориты булган сыерчык оясы".
Конкурста катнашу өчен сыерчык оясын әзерләргә һәм элеп куярга кирәк, башкарылган эш турында фотохисапны һәм анкетаны 2018 елның 16 мартына кадәр түбәндәге электрон адреска җибәрергә: Gilmanova.0809@mail.ru.
Иң яхшы кул эшләнмәләре түбәндәге критерийлар буенча билгеләнәчәк:
- конкурс номинацияләренә туры килүе;
- сыерчык ояларын эшләгәндә төп кагыйдәләрне үтәү;
- әзерләү материалы;
- оригинальлек;
- башкару сыйфаты;
- пөхтәлек;
- зәвыкълылык;
- иҗадилык һәм дизайн.
Җиңүчеләрне 22 март көнне атаячаклар.
Белешмәләр өчен телефон: (84371) 4-97-61.
Конкурс турында нигезләмә
ТР ЭТРМ матбугат хезмәте