ЯҢАЛЫКЛАР
Бүген Су спорты сараенда, Татарстан Дәүләт хезмәткәрләре спартакиадасы кысаларында, йөзү буенча ярышлар үткәрелде. Беренчелекне Татарстан Экология һәм табигый байлыклар министрлыгы командасы алды. Икенче урында – Татарстан Президенты Аппараты командасы, өченче урында – Татарстан Яшьләр эшләре һәм спорт министрлыгы командасы. Экология министрлыгы командасы беренчелекне икенче ел рәттән ала. Былтыр икенче урында Хезмәт, шөгыльлелек һәм социаль яклау министрлыгы командасы, өченче урында Татарстан Президенты Аппараты командасы иде.
Бүген Чаллыда, Кама яры буенда, SunDale пляж клубы янындагы территориядә, Татарстан Экология һәм табигый байлыклар министрлыгы ярдәме белән, киң күләмле “Эко-пати” экологик акциясе үткәрелде, аны “Президент белән бергә” республика хәрәкәте, Чаллы шәһәр башкарма комитетының мәгариф һәм яшьләр эшләре идарәсенең яшьләр белән эшләү бүлеге белән берлектә Татарстан яшьләренең “ЧистаБулыр” экологик хәрәкәте оештырды. Җыештыруда шулай ук Чаллы шәһәр советы каршындагы Иҗтимагый яшьләр парламенты әгъзалары, балалар һәм яшьләр оешмалары активистлары, барлыгы 250дән артык кеше катнашты. Күмәк көч белән 80 капчык чүп – ял итүчеләр ташлап киткән пластик һәм пыяла шешәләр, азык пакетлары җыелды. Мондый акцияләре Татарстанның 14 шәһәрендә үткәрелгән иде инде.
2015 елның 1 июнендә Татарстан Экология һәм табигый байлыклар министрлыгы республика яшьләренең 4нче ачык “Саф караш” социаль экологик реклама конкурсы башлану турында белдергән иде. Бүгенгәчә инде Татарстаннан, Башкортстаннан, Бурятиядән, Ленинград, Кемерово, Ростов, Архангельск, Сарытау, Волгоград өлкәләреннән, Краснодар краеннан йөздән артык эш керде. Конкурста катнашуның җентекле шартлары белән аның чистыйвзгляд.рф рәсми сайтында танышырга мөмкин.
Конкурс халыкны әйләнә-тирәлекне саклау мәсьәләләрен чишүгә җәлеп итү, яшьләргә экология өлкәсендәге теге я бу проблемага үз карашын белдерү мөмкинлеге бирү максатыннан үткәрелә. Эшләрдә Россия Федерациясенең атмосфера һавасын, су һәм җир ресурсларын саклау, җитештерү һәм куллану калдыклары белән эш итү, яшь буынга экологик тәрбия һәм белем бирү өлкәсендәге иң көнүзәк экологик проблемаларны чишү идеяләрен чагылдырырга кирәк.
Татарстанның «ЧИСТАБУЛА!» экологик яшьләр хәрәкәтенә 1025 кеше кушылды. Активистлар командасына, budetchisto.tatar сайтының “Хәрәкәткә кушылырга” бүлегендәге анкетаны тутырып, теләгән һәркем кушыла ала. 2015 елның апреленнән башлап волонтерлар Казанда, Чаллыда, Түбән Кама, Әлмәт, Яшел Үзән, Алабуга, Зәй, Чистай, Норлат, Бөгелмә, Лениногорск, Азнакай, Баулыда, Буада өмә үткәрделәр. 2015 елның 20 июнендә территорияләрне чистарту буенча чираттагы чаралар Чаллы шәһәрендә үткәрелә. Җыештыру 10.00да Кама елгасы яр буенда (“Sundale” пляж клубы турысында) башлана. Акциягә теләгән һәр кеше кушыла ала, җыелу 9.00дә Кама яр буендагы өске парковкада.
Татарстан Экология һәм табигый байлыклар министрлыгы республика яшьләренең 4нче ачык “Саф караш” социаль экологик реклама конкурсы башлану турында белдерә.
Конкурс халыкны әйләнә-тирәлекне саклау мәсьәләләрен чишүгә җәлеп итү, яшьләргә экология өлкәсендәге теге я бу проблемага үз карашын белдерү мөмкинлеге бирү максатында үткәрелә. Конкурс эшләрендә Россия Федерациясенең атмосфера һавасын, су һәм җир хәзинәләрен саклау, җитештерү һәм куллану калдыклары белән эш итү буенча иң көнүзәк экологик проблемаларны чишү идеяләрен, шулай ук яшь буынга экологик белем һәм тәрбия бирү мәсьәләләрен чагылдырырга кирәк.
Конкурста 35 яшькә кадәрге Россия Федерациясе гражданнары (аерым авторлар һәм авторлык коллективлары) катнаша ала.
2015 елның 7-11 июлендә Казан (Идел буе) Федераль Университетында “Табигатьтән файдалануны һәм әйләнә-тирәлекне саклауны экономик көйләү теориясе һәм практикасы” дигән 13нче халыкара конференция үткәрелә, анда табигатьтән файдалануның һәм әйләнә-тирәлекне саклауның экономик механизмын формалаштыру һәм үстерү методологиясе һәм практикасы өлкәсендәге көнүзәк сораулар тикшереләчәк. Чараны Россия Экологик экономика җәмгыяте, Россия Федерациясе Табигый байлыклар һәм экология министрлыгы ярдәмендә Халыкара Экологик экономика җәмгыяте, Татарстан Фәннәр Академиясе үткәрә.
Конференциянең эш юнәлешләре:
– Россиядә һәм дөньяда экологик политика: заманча тенденцияләр һәм яңа үлчәнешләр;
– табигатьтән файдалануны һәм әйләнә-тирәлекне саклауны көйләүнең экономик инструментларын куллану методологиясе һәм практикасы;
– әйләнә-тирәлекне пычратудан килгән экономик зыянны бәяләү алымнарын әзерләү;
– табигать саклау чараларының максат һәм программаларын планлаштыру:
– тотрыклы үсеш даирәсендә экологик куркынычсызлыкны тәэмин итү;
– экологик белем бирү;
– әйләнә-тирәлекне саклауның инновацион технологияләре;
11-13 июньдә Идел акваториясендә, Займище бистәсе төбәгендә, Бөек Җиңүнең 70 еллыгына багышлап, спортив су асты сунары ярышлары үткәрелде. Чараны оештыручылар – Татарстан Су асты эшчәнлеге федерациясе, ТР ДОСААФы, “Татарстан Республикасы Диңгез җыелышы” ҖЧҖ; аларга Казанның Киров һәм Мәскәү районнары хакимияте ярдәм күрсәтте. Шәхси һәм команда исәпләрендә үткәрелгән ярышларда Казан, Чаллы, Яшел Үзән, Чиләбе, Димитровград, Пермь, Магнитогорск, Екатеринбург спортчылары катнашты. Беренче урынны Казан командасы, икенче урынны Димитровград командасы, өченче урынны Чаллы командасы алды. Тотылган табыш Казанның социаль оешмаларына тапшырылды.
Татарстан Экология һәм табигый байлыклар министрлыгы республика яшьләренең 4нче ачык “Саф караш” социаль экологик реклама конкурсы башлану турында белдерә.
Конкурс халыкны әйләнә-тирәлекне саклау мәсьәләләрен чишүгә җәлеп итү, яшьләргә экология өлкәсендәге теге я бу проблемага үз карашын белдерү мөмкинлеге бирү максатында үткәрелә. Конкурс эшләрендә Россия Федерациясенең атмосфера һавасын, су һәм җир хәзинәләрен саклау, җитештерү һәм куллану калдыклары белән эш итү буенча иң көнүзәк экологик проблемаларны чишү идеяләрен, шулай ук яшь буынга экологик белем һәм тәрбия бирү мәсьәләләрен чагылдырырга кирәк.
Конкурста 35 яшькә кадәрге Россия Федерациясе гражданнары (аерым авторлар һәм авторлык коллективлары) катнаша ала.
2015 елның 10 июнендә Татарстан Экология һәм табигый байлыклар министрлыгының Кама буе территориаль идарәсе хезмәткәрләре кече елга һәм сулык ярларын чистарту буенча “Елга-күлләребезгә – чиста ярлар” акциясен үткәрде. Анда Казан (Идел буе) федераль университетының Чаллы филиалы студентлары, “Яр Чаллы” спорт мәктәбе һәм 35нче мәктәпнең спорт төркеме укучылары катнашты. Акция шәһәр “Сандалие” төбәгендә Кама яры буйлап 3 километр арада үткәрелде, аның барышында 5 кубометр чүп-чар җыелды.
Мәскәүдәге Германия илчелеге каршындагы Гёте исемендәге немец мәдәният үзәге, Россия Федерациясе Мәгариф һәм фән министрлыгы ярдәмендә, Германия һәм Россия фәнни-тикшеренү институтлары белән хезмәттәшлектә, “Мәктәп экология яклы: уйла, тикшер, эш кыл!” бөтенроссия конкурсын игълан итте. Анда 7-11 класс укучылары командалары, шулай ук аларның немец теле укытучылары, биология, география, химия, физика һәм экология укытучылары катнаша ала. Укучылар үз шәһәрләрендәге (бистәләрендәге), үз урамнарындагы, мәктәпләрендәге экологик хәлне тикшерү турында (мәсәлән су, һава, туфрак сыйфаты, энергия куллану, үсемлекләр һәм хайваннар дөньясы, калдыклар, саулык саклау һәм туклану турында) немец телендә язылган проект тапшырырга тиеш.