ЯҢАЛЫКЛАР

Соңгы ун елда табигать саклау чараларына 23 млрд. сум кертелгән, аларның яртысыннан артыгы агынтыларны чистартуга юнәлтелгән, бу еллык җитештерү күләме 65% арткан очракта, 7 ел эчендә пычраткыч матдәләр чыгаруны 30 мең тоннага (51%) киметергә мөмкинлек биргән. «Казан Экспо»да узган А.И.Щеповских исемендәге «Сәнәгый экология һәм куркынычсызлык» бөтенроссия фәнни-гамәли конференциясендә СИБУР компаниясе әнә шундый саннар китерде. Россиянең эре нефть, газ, химия компаниясенең төп экологик проектлары турында СИБУРның экология буенча җитәкчесе Галина Христофорова сөйләде.

Бүген Татарстан Президенты «Казан Экспо» күргәзмәләр комплексында старт алган Татарстан нефть, газ, химия форумын ачу тантанасында катнашты, дип хәбәр ителә ТР Хөкүмәте сайтында. Чарада шулай ук ТР экология һәм табигать ресурслары министры Александр Шадриков та катнашты.

Бүген Kazan Expo күргәзмә үзәгендә Татарстан нефть, газ, химия форумы ачылды.  Эш программасының беренче көне кысаларында «Экология» илкүләм проекты» темасына түгәрәк өстәл узачак.