Татарстан Экология министрлыгында 2026 елның беренче яртыеллыгында коррупциягә каршы эш йомгаклары буенча фикер алыштылар
Бүген Татарстан Экология һәм табигый байлыклар министрлыгында министр Азат Җиһаншин рәислегендә Коррупциягә каршы көрәш комиссиясе утырышы булды.
Доклад белән дәүләт хезмәте һәм кадрлар бүлегенең әйдәүче киңәшчесе Виктор Балташов чыгыш ясады. Ул хәбәр иткәнчә, ел башыннан хезмәткәрләр белән 320дән артык профилактик чара – әңгәмәләр, консультацияләр, мәгълүматлар базасы буенча тикшерүләр үткәрелгән. Мәнфәгатьләр конфликты, коррупциягә тартылу яки хокуксыз бүләкләр алу фактлары теркәлмәгән.
Укуларга аерым игътибар бирелде: 130дан артык хезмәткәр ТР Рәисенең коррупциягә каршы сәясәт идарәсе һәм прокуратура вәкилләре катнашында семинарлар узды, 17 кеше КФУда квалификациясен күтәрде. Шулай ук Министрлыкның норматив актлары федераль кануннар нигезендә актуальләштерелде.
Декларация кампаниясе кысаларында 32 дәүләт хезмәткәре хисап тотты, тикшерү хокук бозуларны ачыкламады. Телефонга һәм ышаныч тартмасына коррупция күренешләренә шикаятьләр килмәде.
Утырыш нәтиҗәләре буенча коррупцияне профилактикалауны көчәйтү буенча алдагы чаралар билгеләнде.