Татарстанның 8 чарасы яңа илкүләм проектка кертелгән. Егор Тарнавский «Экологик иминлек» кысаларындагы беренче нәтиҗәләр турында сөйләде
Бүген «Татмедиа» республика агентлыгында узган матбугат конференциясендә ТР экология министры урынбасары Егор Тарнавский республиканың «Экологик иминлек» яңа илкүләм проектына планнар турында сөйләде.
«Башта «Экология» илкүләм проектында 10 федераль проект бар иде, хәзер алар 6 булачак. Федераль үзәк «Иделне савыктыру» һәм «Уникаль су объектларын саклау» федераль проектларын «Россия суы» бердәм проектына берләштерү турында карар кабул итте. Ул чистарту корылмаларын төзү һәм реконструкцияләү чараларын да үз эченә алачак», – дип хәбәр итте журналистларга Егор Тарнавский. Экология министрлыгы, ТР Төзелеш министрлыгы белән берлектә, 17 чара проекты әзерләде, аларда барлык кирәкле нигезләү материаллары бар. "Моннан тыш, су объектларын чистарту буенча бу 29 чара. Алар барысы да Табигать министрлыгына, Россия Төзелеш министрлыгына карауга җибәрелде», – дип өстәде министр урынбасары.
Спикер билгеләп үткәнчә, проектка хәзер үк Чаллы шәһәрендә Мәләкәс елгасын һәм Казанда Нокса елгасын чистарту чаралары кертелгән. Бу якынча 1,04 млрд федераль субвенция.
Объектлар турында җентекләбрәк сөйләгәндә, Егор Тарнавский Мәләкәс елгасы үзәнен чистарту проектка 2025 елдан кертелгән, дип хәбәр итте: «Бүгенге көндә бюджетта алдагы өч елга финанслау каралган. Чараның гомуми бәясе 320 млн.сум. Яңадан исәпләүне исәпкә алып, ул артачак дип уйлыйм. Без чистартачак объектның гомуми озынлыгы 3 км артык. Бу тулысынча федераль бюджет акчалары. Әлеге объектның беренче өлеше 2 ел элек Росводресурсы ведомство карамагындагы «Средволгаводхоз» учреждениесе тарафыннан гамәлгә ашырылган, алар 1,5 км чистартканнар. Чаллы шәһәрендә яшәүчеләрнең фикерләре максималь уңай булган. Чара безнең ил Президенты Указы буенча шәһәрнең юбилеен бәйрәм итүгә багышланачак».
«Икенче чара – Казан шәһәрендәге кушылдыклары булган Нокса елгасы үзәнен чистарту. 28 км чамасы, 718 млн.сум тора. Бүгенгә 2028 елдан планлы финанслау каралган. Әлеге объектның Казан шәһәрендә яшәүчеләр өчен әһәмиятен исәпкә алып, үз алдыбызга аны иртәрәк гамәлгә ашыра башлау бурычын куябыз. Бу мәсьәләне Росводресурсы белән эшләячәкбез», – дип хәбәр итте Егор Тарнавский.
Татарстанның катнашуы планлаштырылган чираттагы федпроект – «Генераль җыештыру». «Нигездә, аннан шәһәр чикләрендәге чүплекләр төшереп калдырыла, ләкин тупланган зыян объектлары кала. Бездә әлеге федпроект кысаларында белдерергә ниятләгән берничә проект бар», – дип билгеләде министр урынбасары.
Татарстан Республикасында «Урманнарны саклау» федераль проекты буенча 2025-2027 елларга федераль бюджеттан 486 млн сумлык субвенцияләр каралган. Бу акчалар урман орлыклары запасын формалаштыруга, урман торгызу һәм урман үрчетүне тәэмин итүгә, учреждениеләрне урман янгыннары техникасы һәм җиһазлары белән тәэмин итүгә тотылачак.
Гомумән алганда, «Экологик иминлек» илкүләм проекты кысаларында Татарстанның 8 чарасы алдан килештерелгән, аларны гамәлгә ашыруга 2 579,6 млн.сум салынган.