ЯҢАЛЫКЛАР

«Татнефть Арена» боз сараена балалар эшләре күргәзмәсе килде. Бүген «Ак Барс» - «Адмирал» матчы вакытында җанатарлар матур хоккей гына түгел, ә якты иҗат — «Ак барс» конкурсында җиңүчеләрнең иң яхшы эшләреннән торган күргәзмәне дә күрәчәк.

Казанда «Ак барс» балалар рәсемнәре, кул эшләре һәм постерлар конкурсында җиңүчеләрне бүләкләү тантанасы булды. Чара Казан федераль университетының Э.А.Эверсман исемендәге Зоология һәм гербарий музеенда узды.

Бүген «Татар-информ» мәгълүмат агентлыгында Рус география җәмгыятенең төбәк бүлеге һәм СИБУР компаниясе белән бергә Татарстан Республикасы Экология һәм табигать ресурслары министрлыгы тарафыннан гамәлгә ашырыла торган экологик проектларга багышланган матбугат конференциясе узды. Чарада Татарстан Республикасы экология министры урынбасары Ольга Манидичева, «Казаноргсинтез» экология җитәкчесе Александр Жалюк катнашты. Рус география җәмгыятенең Татарстан Республикасындагы төбәк бүлеге рәисе Дмитрий Шиллер һәм «Русский сокол» лачынчылар берлеге президенты Илдар Еналеев катнашты.