Әйләнә-тирә мохиткә тискәре йогынты ясый торган объектлар реестрын төзү һәм алып бару кагыйдәләре төзәтелгән
Әйләнә-тирә мохиткә тискәре йогынты ясый торган объектларның дәүләт реестрын төзү һәм алып бару кагыйдәләрен төзәтүче Хөкүмәт карары расланды
2024 елның 1 сентябреннән иң түбән категорияле IV әйләнә-тирә мохиткә тискәре йогынты объектлары дәүләт хисабына куелмаячак, чөнки алар әйләнә-тирә мохиткә минималь тискәре йогынты ясый.
Хәзерге вакытта әйләнә-тирә мохиткә тискәре йогынты объектларының дәүләт реестрында IV категорияле 200 меңгә якын объект бар. Минималь экологик йөкләнешне исәпкә алып, аларга карата планлы күзәтчелек чаралары үткәрелми. Аларга шулай ук табигатьне саклау рөхсәтләрен алу һәм әйләнә-тирә мохитне саклау өлкәсендә тиешле хисаплар бирү таләпләре дә кулланылмый. Төзәтелгән кагыйдәләр бизнеска һәм контроль-күзәтчелек органнарына административ йөкләнешне киметергә мөмкинлек бирәчәк.
Документ узган елның декабрендә кабул ителгән экологик законнарга тиешле үзгәрешләр керткән 622-ФЗ номерлы Федераль законны гамәлгә ашыру өчен Россия Табигать министрлыгы тарафыннан эшләнгән.
Карар вәкаләтле органнар тарафыннан ачыкланган очракта IV категорияле әйләнә-тирә мохиткә тискәре йогынты объектлары турында мәгълүматны реестрдан чыгару мөмкинлеген дә билгели.