Узган атнада Министрлык тарафыннан Казанның төньяк зонасында күкертле водород буенча 12 артып китү очрагы ачыкланган
1 сентябрьдән 8 сентябрьгә кадәр И.Шакиров урамы буенча «Салават Купере» микрорайонында урнашкан АСКЗА-5 станциясендә чик дәрәҗәдә рөхсәт ителгән концентрацияләрдә сероводород буенча максималь кабатланучанлыгы 2,95 ПДК булган 11 арту очрагы һәм Осиново поселогында урнашкан АСКЗА-1 станциясендә сероводород буенча 1 арту очрагы ачыкланган.
Шулай ук Павлюхин урамы, 75 йорт адресы буенча урнашкан АСКЗА-2 станциясендә азот диоксиды буенча максималь кабатланучанлыгы 1,7 ПДК булып, азот диоксиды буенча 4 арту очрагы теркәлгән.
Казанда урнашкан Министрлыкның башка станцияләрендә пычраткыч матдәләрнең андый арту очраклары теркәлмәгән.
Министрлыкның күчмә экология лабораториясенең Казанның төньяк зонасына даими рәвештә урынга чыгуы дәвам итә. Моннан тыш, экологлар, матдәләрнең киңрәк исемлеге буенча анализлау өчен, кулдан ясалган насос-проба алгыч ярдәмендә пробалар да сайлап алганнар. Бу анализлар һәм рейдлар нәтиҗәләре буенча торак зонада артыклык теркәлмәгән.
Теркәлгән мәгълүмат Роспотребнадзорның Татарстан Республикасы буенча идарәсенә, Росприроднадзорның Идел-Кама төбәкара идарәсенә һәм Казан районара табигатьне саклау прокуратурасына җибәрелгән.