ЯҢАЛЫКЛАР

Бүген Казанда “Татарстанда нефть эшкәртү һәм нефть-газ химиясе” I халыкара конференциясе үз эшен башлады. Чара «Нижнекамскнефтехим» ГАҖнең 50 еллыгына багышланган 24нче Татарстан нефть-газ-химия форумы уңаеннан үткәрелә. Конференциядә катнашучыларга һәм кунакларга сәламләү сүзе белән Татарстан Республикасы экология һәм табигый байлыклар министры Фәрит Габделганиев мөрәҗәгать итте. Ул бөтен «Нижнекамскнефтехим» коллективын юбилей белән котлады һәм оешманың Россиякүләм һәм халыкара аренада Татарстанның йөзе булып торуын билгеләде.