ЯҢАЛЫКЛАР
Бүген "Чиста Татарстан" программасында үсеп килүче экологлар буыны – юннатлар хакында сөйләячәкләр. Студия кунаклары – "Чиста булачак" ТР яшьләрнең экология хәрәкәте җитәкчесе Диләрә Сатикова һәм хәрәкәтнең активисты Максим Антонов 21 гасырның яшь натуралистлары хакында аңлатачак һәм аларның нинди булуы турында күрсәтәчәк.
Мамадыш районында җофар, коңгырт аю, чәшке, борындык, сапсан һәм саз карчыгасы бар, ә тагын биредә 100 якын зур һәм кечкенә елга ага. Татарстан Республикасы Экология һәм табигый ресурслар министрлыгының Чулман буе территориаль идарәсе белгечләре "Яшь гвардия" лагерында ял итүче балаларга туган якның табигать байлыклары турында сөйләде. Биредә "Табигатьтә – җәй" эко-дәресе узды.
Ни өчен эколабораторияләрдә ак халаттан йөриләр? Сынауларны уздырганда нинди савыт-саба кулланыла? Һавадан проба алу ни рәвешле башкарыла? Әлмәт шәһәренең 1 нче санлы "Бәләкәч" балалар бакчасында тәрбияләнүчеләр кызыклы химия дөньясы белән танышты.
Суның фильтры ничек эшли һәм аны үз кулларың белән ничек ясарга яисә үз ишегалдыңда агачны ничек утыртып булуы турында белү мөмкинлеге барлыкка киләчәк. 11 июльдә Казанда "Күңелле җәй" ишегалды лагерьлары старт алачак. Әлеге проект үзәгендә – кешенең һәм аны чолгап алган әйләнә-тирә дөнья экологиясе.
13 июльдә 10.00 сәгатьтә Минзәлә районы башкарма комитеты бинасында (Минзәлә ш., Ленин ур., 80) гражданнар кабул ителәчәк.
Каратай елгасында пычратучы матдәләрнең арту күренешләре ачыкланды. Татарстан Республикасы Экология һәм табигый ресурслар министрлыгының Көньяк-Көнчыгыш территориаль идарәсе белгечләре су объектларын мониторинглау кысаларында табигый суга анализ уздырды.
Пирамида сыман тирәкләр, зәңгәр чыршылар, Корея каеннары. Г.И. Гензе исемендәге атаклы дендрология бакчасында 250 артык төрдә куак һәм агач үсә. 1948 елда Омскида барлыкка килгән өлкә бакчасы хәзерге вакытта төбәкнең табигать һәйкәле статусына ия.
Россиякүләм халык фронты торак пунктлары эчендә урнашкан, ачыкланган һәм тәртипкә китерелгән чүплекләр саны буенча шәһәрләр рейтингын күрсәтте. "Чүплекләрнең интерактив картасы" ресурсы белешмәләренә караганда, Искитим (Новосибирск өлкәсе), Түбән Кама һәм Бөгелмә (Татарстан Республикасы) лидер буларак танылган.
Сәләтле балаларга ярдәм итү һәм геология фәненең иң яхшы гореф-гадәтләрен пропагандалау, укучылар, балалар-яшүсмерләр геология берләшмәләре җитәкчеләре арасында тәҗрибә уртаклашу һәм алар эшенә йомгак ясау. Татарстанда 2018 елның 11-17 июль көннәрендә яшь геологларның V республика ачык кыр олимпиадасы узачак. Әлмәт районында нефтьнең Ромашкино ятмасын сәнәгый эшкәртә башлауга 75 ел тулуга багышланган чара биредә "Кояшлы" һәм "Дуслык" балаларны савыктыру лагерьлары базасында узачак.
Биналарны сүтүдән барлыкка килгән чүпләр, яраксызланган шиннар һәм бетон эшләнмә ватыклары – Түбән Кама районында санкцияләнмәгән чүплек урыны ачыкланды. Җирле халыктан калдыкларның бакчачылык бергәлеге территориясендә урнаштырылуы турында хәбәр алгач Татарстан Республикасы Экология һәм табигый ресурслар министрлыгының Чулман аръягы территориаль идарәсе инспекторлары әлеге урынга чыкты. Биредә белгечләр төзелеш калдыкларыннан торучы 55 квадрат метрлы җиргә тап булды. Рейд барышында гаепле зат та билгеләнде: чүплек бер бакчачыныкы булып чыкты.