Җир ресурсларын саклау бүлеге
Үзенә йөкләнгән бурычлар нигезендә түбәндәге функцияләрне гамәлгә ашыра:
Татарстан Республикасының җир ресурслары белән идарә итүдә катнаша;
җир ресурсларын саклау һәм файдалану өлкәсендә Татарстан Республикасы законнары һәм башка норматив хокукый актлары проектларын үз вәкаләтләре чикләрендә эшләп чыгара һәм эшләп чыгаруда катнаша;
билгеләнгән тәртиптә җирләрдән файдалану һәм саклау буенча республика максатчан программаларын эшләүдә һәм тормышка ашыруда катнаша, шулай ук җирләрдән файдалану һәм саклау буенча муниципаль программалар эшләүдә ярдәм күрсәтә;
дәүләт милкендә (федераль милектән тыш), муниципаль милектә, гражданнар һәм юридик затлар милкендә булган җирләрдә төзелеш объектларын урнаштыру урыннарын билгеләнгән тәртиптә килештерә;
туфракның уңдырышлы катламын рөхсәтсез алу, күчерү яки юк итү фактларын, пестицидлар һәм агрохимикатлар яки кешеләр сәламәтлеге һәм әйләнә-тирә мохит өчен куркыныч булган башка матдәләр һәм җитештерү һәм куллану калдыклары белән пычрануны ачыклау һәм туктату өлешендә җирләрне куллану һәм саклау өлкәсендә дәүләт экология контролен гамәлгә ашыра.
