«Чиста һава» операциясе дәвам итә: 4,5 меңнән артык машина тикшерелде
1 июньнән Татарстанда “Экологик иминлек” милли проектына ярдәм йөзеннән “Чиста һава” оператив-профилактик чарасы уза. Рейдларны ТР Экология министрлыгы инспекторлары ТР буенча ЭЭМ Дәүләт автоинспекциясе идарәсе хезмәткәрләре һәм Идел буе федераль округы буенча Ространснадзорның төбәкара территориаль идарәсе хезмәткәрләре белән берлектә үткәрә.
Операция башыннан бирле 4 541 автотранспорт чарасы тикшерелде. Бу 4 133 җиңел машина, 217 йөк автомобиле һәм 191 автобус.
Югалтулар 87 автотранспорт чарасында ачыкланган, бу тикшерелгән машиналарның гомуми санының 1,9%ын тәшкил итә (75 җиңел машина, 7 йөк автомобиле һәм 5 автобус).
Арттыруга юл куйган автомашиналар хуҗалары белән атмосфера һавасын саклау өлкәсендәге законнар таләпләрен үтәү зарурлыгы турында аңлату эшләре алып барыла. Административ хокук бозулар турында беркетмәләр төзелә.
Әйтик, Идел буе идарәсе инспекторлары җәй башыннан Буа районында атна саен рейдлар үткәрәләр. Экологлар 204 автомобильне тикшергәннәр. Ә Идел-Кама идарәсе хезмәткәрләре Чистай районында 307 машина инспекцияләделәр.
Тикшерүләр шулай ук Казанда, Чаллыда һәм Татарстанның 21 районында уза. Бензин, дизель һәм газ-мотор автомобильләре контрольдә тотыла.
«Чиста һава» операциясе 30 сентябрьгә кадәр дәвам итәчәк.
Исегезгә төшерәбез, чараларның төп максаты - автотранспорт чараларының эшкәртелгән газларда пычраткыч матдәләрне тоту нормативларының үтәлешен тикшереп тору һәм әйләнә-тирә мохиткә тискәре йогынтыны булдырмау.