Экологлар Апас районындагы предприятиегә күрсәтмә бирделәр
Профилактика визиты кысаларында Идел аръягы идарәсе инспекторлары Апас районының Каратун авыл җирлегендә урнашкан оешманы тикшерделәр.
Тикшергәндә экологлар компания тарафыннан уңайсыз метеорологик шартлар вакытында атмосфера һавасына пычраткыч матдәләр чыгарып ташлауларны киметү буенча чаралар планы эшләнмәгәнлеген ачыклаган.
Юридик затка хокук бозуларны бетерү турында күрсәтмә бирелгән.
Исегезгә төшерәбез, профилактик визитлар Татарстан Республикасы Экология министрлыгы хезмәткәрләре тарафыннан «Россия Федерациясендә дәүләт контроле (күзәтчелеге) һәм муниципаль контроль турында» 248 номерлы Федераль законның 52.1 статьясы нигезендә уздырыла. Мондый чаралар кысаларында экологлар объектларны тикшерергә, кирәкле документацияне соратып алырга, шулай ук алга таба анализ һәм экспертиза ясау өчен пробаларны сайларга вәкаләтле.