Минзәлә районының Дәвек авылында 362 квадрат метр мәйданлы чүплек бетерелде

2026 елның 18 августы, сишәмбе

ТР Экология министрлыгы хезмәткәрләре Минзәлә районы территориясен күчмә тикшерү үткәрделәр.
 
Тауасты Байлар авыл җирлегенең Дәвек авылында полиэтилен пленка һәм савыт-саба, шулай ук агач савыт-саба калдыкларын рөхсәтсез урнаштыру ачыкланды.
 
Пычранган кишәрлекнең гомуми мәйданы 362 кв. м, күләме - 72,4 куб. м.
 
Минзәлә районы Тауасты Байлар авыл җирлеге башкарма комитетына табигатьне саклау законнарының мәҗбүри таләпләрен бозмау турында кисәтү җибәрелде.
 
Бүгенге көндә хокук бозу бетерелгән.