Кама аръягы идарәсе инспекторлары өмәдә һәм агач утыртуда катнаштылар
Ял көннәрендә Кама аръягы идарәсе инспекторлары Шәһәр волонтерлары белән бергә “Рәсәй суы” бөтенрәсәй акциясе кысаларында Зәй сусаклагычы ярларын җыештыруга чыктылар. Берничә сәгать эчендә активистлар 20 капчыктан артык чүп-чар җыйдылар.
Инспекторлар шулай ук Түбән Каманың Соболевская урамында агач утыртуга кушылды. Экоакциядә 50дән артык кеше катнашты, алар 250 пирамидаль тирәк утыртты.
“Бу урам - төп магистраль һәм, әлбәттә, урынның матур, яшел почмак булуын телим. Бүгенге акция - киләчәккә зур өлеш кертү, аны битараф булмаган кешеләр башкарды”, - дип билгеләделәр Кама аръягы идарәсе белгечләре.
Исегезгә төшерәбез, өмә Һәм агач утырту “Экологик иминлек” милли проектына ярдәм йөзеннән санитар икеайлык кысаларында узды. 1 апрельдән республикада барлыгы 200 меңләп агач һәм куак утыртылды. Территорияләрне җыештыруга 340 меңнән артык татарстанлы кушылды.