“Саф су” III халыкара форумы

2012 елның 8 ноябре, пәнҗешәмбе
Татарстан экология һәм табигый байлыклар министры Артем Сидоров “Саф су” III халыкара форумы кысаларында Су ресурслары федераль агентлыгы оештырган “Су ресурслары белән нәтиҗәле идарә: проблемалар, бурычлар, чишелеш юллары” түгәрәк өстәле утырышында катнашты. Утырышны Россия Фәннәр Академиясенең Су проблемалары институты директоры Виктор Данилов-Данильян, Су ресурслары федераль агентлыгы җитәкчесе Марина Селивестрова һәм Җитештерү көчләрен өйрәнү советы рәисе урынбасары, Табигатьтән файдалану һәм экология проблемалары бүлекчәсе җитәкчесе Анатолий Шевчук алып барды. Түгәрәк өстәлнең эш нәтиҗәләре буенча су ресурслары өлкәсендә законнарны камилләштерүгә, тармакны үстерүгә, информация ресурсларына, фән һәм кадрлар белән тәэмин итүгә караган тәкъдимнәр әзерләнде. “Саф су” III халыкара форумы 2012 елның 6-7 ноябрендә Мәскәү шәһәрендә, Халыкара сәүдә үзәгендә үткәрелде. Аны Федерация Советы, Россия Федераль Җыелышы һәм Россия Федерациясе Хөкүмәте  ярдәме белән “Россия су җәмгыяте” коммерциясез партнерлыгы оештырды. “Саф су” форумында су тармагындагы киң колачлы милли һәм халыкара сәясәт мәсьәләләре каралды, су тематикасы һәм халыкны эчә торган сыйфатлы су белән тәэмин итү проблемаларын хәл итү белән бәйле көнүзәк темаларга фикер алышулар булып үтте. Форумның эшендә Россия Федерациясенең һәм чит илләрнең дәүләт хакимияте органнары җитәкчеләре, Россия һәм халыкара фән һәм экспертиза җәмгыятьләренең абруйлы вәкилләре, Россиянең һәм дөньяның су тармагы профессионаллары катнашты.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International