Кышын кошларга җим бирегез! Татарстан мәктәп укучылары канатлы дусларын яңа җимлекләр белән каршы алдылар
Традиция буенча, кыш җитү белән, технология дәресләрендә яки өйдә ата-аналар ярдәме белән мәктәп укучылары һәм мәктәпкәчә яшьтәге балалар кошлар өчен җимлек ясыйлар. Кайбыч районының «Экология, мәдәният, үсеш» мәктәптән тыш эш үзәгендә тәрбияләнүчеләр дә үзәкнең канатлы дуслары турында кайгыртканнар һәм аларга Татарстан Экология министрлыгының Идел аръягы территориаль идарәсе инспекторлары ярдәм итте. Экологлар кошларга салкын кышны кичерергә ничек булышырга һәм аларны ничек ашатырга кирәклеге турында сөйләделәр. Белем алу дәресеннән соң балалар җимлекләрне элеп чыктылар һәм хәзер канатлы дусларын ашатып торалар.
Казанның Совет районы «Радуга» балалар бакчасында да канатлы дусларга ничек ярдәм итәргә кирәклеге турында сөйләделәр. Монда Үзәк ТИ инспекторлары балаларга җимлекне ничек дөрес ясарга икәнен күрсәттеләр һәм меню буенча киңәшләр бирделәр. «Кошларны көн саен бер үк вакытта ашатырга кирәк. Кошлар сезнең җимлекне истә калдырачак, аларга бер үк вакытта ашау җиңелрәк булачак», – дип сөйләде белгечләр.
Барлык балаларга истәлек итеп буяу китаплары бүләк ителде.