Буада су куллану һәм җир асты байлыкларыннан файдалану мәсьәләләре буенча фикер алыштылар
Идел аръягы Экология министрлыгы идарәсендә су кулланучылары һәм җир асты байлыкларыннан файдаланучылар өчен “ТР Геоүзәге” ФҖБ белгечләре тарафыннан оештырылган семинар узды.
Катнашучылар судан файдалану шартнамәләрен, җир асты суларын чыгаруга лицензияләрне рәсмиләштерү, шулай ук лицензияләү өчен документлар пакетларын әзерләгәндә муниципаль берәмлекләр белән хезмәттәшлек мәсьәләләрен карадылар.
Табигатьне саклау законнарындагы үзгәрешләргә һәм су объектларыннан һәм җир асты байлыкларыннан файдаланучылар тапшырырга тиешле хисап бирү таләпләренә аерым игътибар бирелде.
Исегезгә төшерәбез, мондый семинарлар җирле үзидарә органнарының, эшкуарларның һәм халыкның судан файдалану һәм җир асты байлыкларыннан файдалану өлкәсендә мәгълүматлылыгын арттыруга юнәлдерелгән.