Хокук бозучы Казанда рөхсәтсез калдыклар ташлау өчен 2 млн сумга якын акча түләгән
Элегрәк Экология министрлыгы инспекторлары Казанның Совет районына мониторинг үткәргән иде. Экологлар төзелеш калдыкларының чүплеген, шулай ук туфракка рөхсәтсез ташлауны гамәлгә ашырган КамАЗ транспорт чарасын теркәгәннәр.
Кагыйдә бозу мәйданы 35 кв. м, күләме - 52 куб. м.
Йөк автотранспорт чарасының милекчесе физик зат булуы ачыкланган.
Инспекторлар туфракка китерелгән зыян суммасын исәпләп чыгарганнар. Ул 1 млн 994 мең сум тәшкил иткән.
Ирекле тәртиптә зыян кайтарылмаган.
Министрлык Татарстан Республикасы Югары Ослан район судына мөрәҗәгать итте. Суд экологларның таләпләрен хуплады. Карар законлы көченә кергәннән соң материаллар Казан шәһәренең Совет районы буенча суд приставлары бүлегенә җибәрелә. Зыян тулы күләмдә мәҗбүри тәртиптә түләтелгән.