Ык буе идарәсе белгечләре Мәлбагыш авылында укучылар өчен экологик дәресләр үткәрделәр
Экологик агарту программасы кысаларында инспекторлар укучыларга кунакка килделәр. Алар балаларга үз һөнәре, министрлык белгечләренең көн саен нинди бурычлар хәл итүе һәм ведомствоның гомумән нәрсә белән шөгыльләнүе турында сөйләделәр.
Балаларда экологик мониторинг системасы турындагы хикәя аеруча кызыксыну уятты. Мәктәп укучыларына республикада әйләнә-тирә мохитнең торышын күзәтү ничек алып барылуын, хокук бозуларның теркәлүен һәм Татарстан табигатенең чисталыгын саклау чараларының күрелүен аңлаттылар.
Ә очрашуның иң күңелле мизгеле бүләкләү булды. Мәктәптә эшкәртелгән батареяларны җыю буенча акция узды, һәм инспекторлар дәрес белән генә түгел, ә иң актив катнашучыларга бүләкләр алып килделәр. Иң күп батарея җыйган балалар ТатарстанРеспубликасы Экология һәм табигый байлыклар министрлыгыннан истәлекле бүләкләр һәм Рәхмәт хатлары алдылар.
Мондый дәресләр балаларга табигатькә сакчыл карарга ярдәм итә һәм хәтта кечкенә генә файдалы эшнең дә экология өчен зур әһәмияткә ия булуын күрсәтә.