Буадан яшь экологлар кошларга йорт табарга булышты

2026 елның 9 апреле, пәнҗешәмбе

«Светофорик» балалар бакчасында Халыкара кошлар көненә багышланган «Һәр сыерчыкка — берәр сарай» экологик акциясе узды.

Балалар әти-әниләре белән бергә сыерчык оялары ясадылар һәм аларны балалар бакчасы территориясендә урнаштырдылар.

Чарада Идел аръягы идарәсе белгечләре катнашты. Акциянең максаты-балаларда табигатькә сакчыл караш тәрбияләү һәм канатлы дусларыбызга ярдәм итү.

Яңа сыерчык оялары үзләренең беренче канатлы яшәүчеләрен кабул итәргә әзер.