Идел-Кама идарәсе инспекторлары суда гомумтаралган файдалы казылмалар чыгарганда хокук бозуларны ачыклаган
ТР Экология һәм табигать ресурслары министрлыгының Идел-Кама территориаль идарәсе инспекторлары табигатьне саклау таләпләрен үтәү буенча Кама акваториясен мониторинглаганнар. Биредә җир асты байлыкларыннан файдалануга бирелгән лицензияләр кысаларында ком-гравий катнашмасы чыгарыла.
Республика чикләрендә елга һәм сусаклагыч акваторияләрендә киң таралган файдалы казылмалар чыгаручы һәр кораб ГЛОНАСС +112 навигация системасына тоташтырылган. Йөзү чараларының барлык хәрәкәтләре онлайн режимда күрсәтелә.
Кама елгасының сул ягында күзәтчелек чаралары барышында Идел-Кама территориаль идарәсе белгечләре җир снарядының эшләвен ачыклаган. Тик GPS сигналы корабта булмаган һәм мәгълүмат тапшырылмаган. Әлеге факт буенча җир асты байлыкларыннан файдаланучыга карата законнарның мәҗбүри таләпләрен бозуга юл куймау турында кисәтү биреләчәк, бозуны бетергәнче акваториядә файдалы казылма чыгару эше туктатылачак.