“Халык контроле” һәм “Дәүләт экология күзәтчелеге” системаларын Россия Федерациясе Табигый байлыклар һәм экология министрлыгында тәкъдим итү

Россия Федерациясе Табигый байлыклар һәм экология министрлыгында Татарстан экология һәм табигый байлыклар министры Артем Сидоров җитәкләгән делегация Россия Федерациясе табигый байлыклар һәм экология министры Сергей Донской өчен “Халык контроле” һәм “Дәүләт экологик контроле” системаларын тәкъдим итте. Анда шулай ук Россия Федерациясе элемтә һәм массакүләм коммуникацияләр министры Николай Никифоров катнашты.

Хәзерге вакытта табигый ресурслар белән идарә итү һәм республиканың экологик торышына контроль өчен шушындый берничә тематик мәгълүмәт системасы төзелгән һәм кулланыла:

– әйләнә-тирәлеккә тәэсирне нормалау системасы;

– экологик күзәтчелек системасы;

– калдыкларны рөхсәтсез урнаштыру урыннарына күзәтчелекнең геоинформацион системалары һәм “Дәүләт экологик күзәтчелеге” системасы, анысы үзендә барлык республика һәм федераль табигатьне саклау органнарының эшләвен күздә тота, тикшерүләрне планлаштырырга, барышын күзәтергә, экологик күзәтчелекнең нәтиҗәлелеген берничә параметр буенча бәяләргә мөмкинлек бирә.

“Халык контроле” системасы ярдәмендә һәм граждан теге яки бу проблема турында ачыктан-ачык белдерә, бүтән гражданнарның белдерүләрен яклый, һәм иң мөһиме – шулар буенча кабул ителгән карарларны бәяли ала.