“ЧистаБулыр” яшьләр хәрәкәте Татарстанның балалар һәм студентлар командаларын эко-квестта катнашырга чакыра.

“ЧистаБулыр” яшьләр экологик хәрәкәте “Чәчәк ат, минем Республикам” дигән онлайн эко-квест башлап җибәрде. Конкурс Татарстан Республикасында экологик икеайлык вакытында 2017 елның 1нче апреленннән 31нче маена кадәр узачак. Катнашырга республиканың балалар һәм студентларының 4 -10 кешелек командалары чакырыла.

Экологик квестны узу өчен мероприятиенең шартларын үтәргә кирәк:

- “ЧистаБулыр” яшьләр экологик хәрәкәтенең рәсми сайтында (http://budetchisto.tatar) катнашучы булырга һәм хәрәкәтнең «ВКонтакте» социаль челтәрендәге “Татарстанда чиста булыр” (https://vk.com/budetchisto_tatar) төркемендә торырга; 

- тутырылган заявканы 7нче апрельгә кадәр budetchisto.tatar@mail.ru электрон адресына җибәрергә;

- максималь санда биремнәр үтәргә.

Җиңүчеләрне бүләкләү июнь башында булачак. Аеруча актив командалар “Чиста булыр” Яшьләр экологик хәрәкәтенең кыйммәтле призларын һәм бүләкләрен алачак.

ТР ЭТБМ матбугат хезмәте