Җир – безнең уртак йортыбыз. Нурлат районында табигатькә сакчыл караш турында экологик дәрес үткәрелде

2023 елның 19 декабре, сишәмбе

Җир – ул безнең уртак йортыбыз, аны сакларга һәм кайгыртырга кирәк. Моның өчен Татарстанның көньяк-көнчыгыш инспекторлары нәрсә эшләргә кирәклеген әйттеләр. Экологлар Нурлат мәктәп-интернатының 4-5 сыйныф укучылары өчен дәрес үткәрделәр. Көньяк-Көнчыгыш территориаль идарәсе белгече Венера Мингалиева балаларны җирле урманнарның күптөрле флорасы һәм фаунасы белән таныштырды. Лекциядән соң балалар практикага керештеләр һәм «Бу җир – синеке дә, минеке дә» экологик уенын уйнадылар. Барлык катнашучылар да биремнәрне үтәделәр һәм уенның барлык этапларын үттеләр: «Үсемлекчелек», «Әлеге кызыклы хайваннар», «Экологик», «Минем край» һәм блицтурнир «Беләсезме икән сез…». Дәрес ахырында һәр укучы экологик китап алды.