Су турында халыкара We Are Water кыска метражлы фильмнар конкурсында катнашу өчен заявкалар кабул ителә

Су турында халыкара We Are Water кыска метражлы фильмнар конкурсында катнашу өчен заявкалар кабул ителә башлады, анда 18 яшенә җиткән теләсә кем катанаша ала.

Конкурс 3 номинация буенча уза:

- Документаль фильм;

- Нәфис фильм;

- Анимация.

Катнашу өчен 2018 елның 3 апреленә кадәр конкурс сайтында: http://filmfestival.wearewater.org/en/about_302911 теркәлергә һәм үзеңнең кыска метражлы фильмны җибәрергә кирәк. Видеороликлар су ресурсларын саклау мәсьәләләрен чагылдырырга тиеш: судан файдалану проблемасы, санитар шартлар, эчү гигиенасы, авыл хуҗалыгы белән суны пычрату, су һәм туклану, су һәм мәгариф һәм башкалар.

Иң яхшы эшләрнең авторларын апрельдә сайлап алачаклар, 2 майдан 1 июньгә кадәрге чорда тамашачы симпатиясенә приз хуҗасы билгеле булачак.

ТР ЭТРМ матбугат хезмәте