• 21.04.2017

    22 апрель – Халыкара Җир көне

    22 апрельдә чиста Суны, Һава һәм Җирне олылый торган халыкара бәйрәм билгеләп үтелә. Экологик катастрофалар турында планетада яшәүче һәр кешенең исенә төшерә торган көн, табигать саклау мәсьәләләрен хәл итү буенча һәр кеше “биредә һәм хәзер” нәрсә эшли алачагы турында уйланырга тиешле көн. Һәр елны бу көндә бөтен дөньяда су, җир ресурсларын һәм башка табигый байлыкларны саклауга юнәлтелгән мероприятиеләр уздырыла. Татарстан Республикасы Экология һәм табигый байлыклар министрлыгы Зәңгәр күлдә Җир Көненә багышланган зур өмә үткәрәчәк.
  • 21.04.2017

    Лениногорск гомумшәһәр өмәсенә әзерләнә

    Лениногорск кешеләре 22 һәм 29 апрельдә урамнарны һәм паркларны яфраклардан һәм чүптән чистартырга чыгачак. Гомумшәһәр өмәсен үткәрү мәсьәләләрен бүген шәһәр администрациясе киңәшмәсендә карадылар. Мероприятиедә районның башкарма хакимияте вәкилләре, предприятиеләр, Татарстан Республикасы Экология һәм табигый байлыклар министрлыгының Көньяк-Көнчыгыш территориаль идарәсе җитәкчеләре катнашты. Экология министрлыгы белгечләре санитар-экологик икеайлык кысаларында Татарстанның барлык торак пунктларының тәртипкә китерелергә тиешлеге турында ассызыклап үтте. 
  • 21.04.2017

    Идел аръягы районнары буенча рейд. Экологлар Зур Кайбычның экологик хәлен тикшерде

    Татарстан Республикасы Экология һәм табигый байлыклар министрлыгының Идел аръягы территориаль идарәсе инспекторлары Кайбыч районында металл, үзагач, кирпеч, резин покрышкалар ташланган урыннарны ачыклап теркәде. Зур Кайбыч авылының санитар хәле буенча рейд барышында калдыкларны урнаштыруның биш санкциясез урыны ачыкланды. 
  • 21.04.2017

    Нефть шәһәрендә яшәүчеләр ЭКО-күргәзмә оештырды

    Әлмәттә яшәүчеләр файдаланылган материаллардан эшләнгән әйберләр күргәзмәсе оештырдылар. Шәһәр паркларының берсендә “ЭКО-күргәзмә”дә алар 40тан артык гаилә экспонаты күрсәттеләр. Катнашучыларның иҗади эшләрен Татарстан Республикасы Экология һәм табигый байлыклар министрлыгының Көньяк-Көнчыгыш территориаль идарәсе белгечләре, Әлмәт районы Экология департаменты вәкилләре, “Кадрлар резервы” республика проектында катнашучылар, “Экосервис” ГАҖ хезмәткәрләре бәяләде.

Чаралар планы

Вакыйгалар календаре

Апрель 2017 г.

Дш Сш Чш Пҗ Җм Шм Як
      1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Элемтәләр

Адрес:
420049, Казан шәһәре, Павлюхин урамы, 75
Телефон:
+7 (843) 267-68-01, 267-68-02
Факс:
+7 (843) 267-68-70
E-Mail:
Copyright © 2003-2017
Хата таптыгызмы? Сүзне яки җөмләне билгеләгез һәм CTRL+ENTER басыгыз
Яндекс цитирования