ЯҢАЛЫКЛАР

Планетабыз киләчәгенә битараф түгел икәнсез, һәр көн саен әйләнә-тирә мохитне саклау һәм яхшырту өчен конкрет адымнар ясарга әзер икәнсез, әлеге экологик чара – нәкъ менә сезнең өчен! “Табигать геройларын көтә” Бөтенроссия конкурсы игълан ителде.

Теләгендә булганнарның барчасы Ro Plastic Prize Халыкара экологик дизайн бәйгесендә катнашуга чакырыла. 

“Россия мәктәп укучылары хәрәкәте” гомумроссия иҗтимагый-дәүләти балалар-яшьләр оешмасы “Экотренд” дигән яңа экологик проектта катнашуга чакыра. Конкурста үзең генә, экоотряд составында, яки тегеләй дә, болай да катнашырга була. Экоотрядны куратор һәм дүрт укучы оештыра, аларга теләгендә булган башкалар да кушылырга мөмкин.

Конкурсны оештыручылар – “Республика мәктәптән тыш эшләр үзәге” өстәмә белем бирү дәүләт бюджет учреждениесе, Татарстан Республикасы  Мәгариф һәм фән министрлыгы, Казан шәһәре “Шәһәр балалар экология-биология үзәге” өстәмә белем бирү дәүләт бюджет учреждениесе, “Россия укучылар хәрәкәте” төбәк бүлеге.

Каты коммуналь калдыклар белән эш итү буенча төбәк операторы – “Гринта” җаваплылыгы чикләнгән җәмгыяте экологик тәрбияне камилләштерү, җәмәгатьчелек игътибарын калдыкларны дөрес итеп аерып җыю мәсьәләләренә җәлеп итү максатыннан чыгып, “Файдалы чүп” дигән рәсем бәйгесе башлап җибәргән. Анда мәктәпкәчә яшьтәге балалар – Татарстан Республикасы Көнчыгыш зонасындагы (шәһәр округы – Чаллы, Әгерҗе, Азнакай, Аксубай Актаныш, Әлмәт, Баулы, Бөгелмә, Алабуга, Зәй, Лениногорск, Мамадыш, Менделеев, Минзәлә, Мөслим, Түбән Кама, Яңа Чишмә, Нурлат, Сарман, Тукай, Чирмешән, Чистай, Ютазы муниципаль районнары) балалар бакчаларында тәрбияләнүчеләр катнашырга мөмкин.