Татарстан Республикасында табигатьне саклау прокуратурасының тикшерү материаллары буенча экологик хәтәр матдәләр белән эш итү кагыйдәләрен бозу факты буенча җинаять эше кузгатылган

Казан районара табигатьне саклау прокуратурасы биологик калдыкларны законсыз урнаштыру факты буенча тикшерү үткәргән.

Ит эшкәртү комбинаты хезмәткәрләренең, табигатьне саклау, санитария-эпидемиология законнарын санга сукмыйча, Куйбышев сусаклагычының (Идел елгасы) су саклау зонасында һәм су җыю мәйданчыгында, яр буеннан 100 метр ераклыктагы урынга 2-3 метр тирәнлеккә хайван калдыкларын күмеп куйганлыклары билгеләнгән.

Органик матдәләрне законсыз төстә җиргә күмү әйләнә-тирә мохиткә хайваннар һәм кешеләр өчен уртак чирләр тарату куркынычын тудыра.

Тикшерү органына җибәрелгән тикшерү материаллары буенча РФ Җинаятьләр кодексының  247 статьясындагы 1 өлеше (“Экологик хәтәр матдәләр һәм калдыклар белән эш итү кагыйдәләрен бозу”) буенча җинаять эше кузгатылган.

 

Соңгы яңарту: 15 март 2019, 19:13

Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования