ЯҢАЛЫКЛАР


14
декабрь 2018 ел.
җомга

Татарстан Республикасының Лаеш районы территориясен мониторинглаганда Сокуры авылында 340 кв.м. мәйданлы законсыз чүплек урыны ачыкланды. Агач, төзелеш һәм көнкүреш калдыклары бөтен җирдә диярлек чәчелеп ята иде. Экологлар тикшерү актын төзеде һәм чүплекне бетерү буенча чаралар күрү өчен Лаеш муниципаль районы Башкарма комитетына җибәрде. Хәзерге вакытта әлеге урындагы чүпләр җыештырылган. Территория тиешле санитар-экологик торышка китерелгән.

Әлмәт районында Н.Е. Токарликов исемендәге АҖ агынты суларны ташлау факты буенча гаепле дип танылды. Татарстан Республикасының Югары суды экологлар карарының законлы булуын раслап, Әлмәт шәһәре суды карарына шикаятьне канәгатьләндерүдән баш тартты.

Экологик белем бирүнең төп принципларының берсе - фактларның фәнни һәм төгәл булу принцибы. Әмма ләкин кечкенә балаларга үсемлекләрнең үрчүе, нефтьнең файдасы һәм зыяны турында, аюның куәте яки күбәләкнең дөньяга килүе турында ничек сөйләргә? Баланың белемгә омтылышын бозмыйча, ничек сөйләргә, ничек кызыксындырырга һәм ымсындырырга, чөнки фикер алышу материалы теге яки бу очракта коры, җитди фәнни фактларга бәйле бит, алар күп очракта балаларга аңлаешсыз.

Экологик рейд барышында Кама аръягы территориаль идарәсе инспекторлары тарафыннан Түбән Кама районындагы бакчачылык җәмгыятьләренең берсендә контейнерлар мәйданчыгының чүпләнүе ачыкланды. Көнкүреш һәм төзелеш калдыклары, бункерларның тулуы сәбәпле, чүп мәйданчыгыннан читтә урнаштырылган. Чүпләнгән урынның гомуми мәйданы – 20 квадрат метр. Үтәү срогын күрсәтеп, бакчачылык җәмгыятенә әлеге җитшсезлекне бетерү турында күрсәтмә бирелде.


13
декабрь 2018 ел.
пәнҗешәмбе

Бүген ТР Экология һәм табигать ресурслары министрлыгында Фәнни-техник советның (ФТС) чираттагы утырышы булды. Министр Александр Шадриков рәислегендә Куйбышев сусаклагычындагы утрауларны инвентарьлаштыру һәм аларның табигать ресурсларын экологик бәяләү буенча комплекслы фәнни-тикшеренү эшләренең йомгаклары тыңланды.

ТР Экология һәм табигать ресурслары министрлыгының Кама буе территориаль идарәсе экологлары Мамадыш районында җир законнарын бозуны ачыклаган. М7 трассасы буенча 945нче чакрымда урнашкан юл буе кафесыннан канализация агынтыларының туры урманга агуы беленгән.

"Бер карлыгач килеп яз булмый" дисәләр дә, әйләнә-тирә мохитне саклау өлкәсендә һәркайсыбызның шәхсән мөнәсәбәте экологиягә ярдәм итәргә сәләтле. Барлык бөек гамәлләр кечкенә бер адымнан башлана һәм фәкать шәхси катнашлык һәм үрнәк белән генә без тирә-юньдәге дөньяны саклап кала һәм яхшырта алабыз.


12
декабрь 2018 ел.
чәршәмбе

Бүген Татарстан Республикасы Экология министрлыгында контрольлектәге субъектлар һәм табигатьтән файдаланучылар өчен "Су объектарыннан файдалану һәм саклау" темасына ачык тыңлаулар узды. Чара табигатьне саклау законнарының мәҗбүри таләпләрен бозуны кисәтү максатыннан үткәрелде. Тыңлауларда Татар табигатьне саклау районара прокуроры Илсур Гыйльметдинов, Казан районара табигатьне саклау прокуроры Альберт Хәбиров, Табигатьтән файдалану өлкәсендә күзәтчелек буенча федераль хезмәтнең Татарстан буенча идарәсе һәм Түбән Идел бассейны су идарәсе вәкилләре катнашты.

Яңа ел ЭкоФесты 2018гә чаклы бик аз вакыт калды, экология яратучылар командасы бар кешене 16 декабрьдә "Штаб" Креатив индустрияләр резиденциясендә көтә. Чараны оештыручы - "ЭкоЛогично. Казан" иҗтимагый хәрәкәте. Фестиваль лекцияләрендә үз тәҗрибәсе һәм белемнәре белән блогерлар, волонтерлар, оешмага нигез салучылар һәм җитәкчеләре уртаклашачак.

213 җирле кеше су басу ихтималы зонасыннан чыгарылган. Язгы ташу чорында суларның тискәре йогынтысыннан 318 млн сум күләмендә ихтимал зыян булдырмый калынган.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования