Экологлар “Татарстанның чиста урманнары” акциясе кысаларында Столбище янындагы урманны чистартты

21 октябрь 2019 ел., дүшәмбе

Татарстан Республикасы Экология һәм табигать ресурслары министрлыгы хезмәткәрләре “Татарстанның чиста урманнары” дигән табигатьне саклау акциясенә кушылды. Шулай итеп, алар Шәһәр яны урман хуҗалыгының Столбище урман хуҗалыгы биләмәсе территориясен чүп-чардан арындырды. Акциядә катнашучылар әлеге мәйданчыкта барлыгы 200 куб. м чамасы каты коммуналь калдыклар һәм ауган-сынган агачларны җыйды. Сүз уңаеннан, быел акциянең көзге этабының 16 сентябрьдә башланып, 16 ноябрьгә кадәр дәвам итәчәген билгеләп үтик.

“Өмәләр – территорияне чистарту-җыештыру чарасы гына түгел, бәлки әле табигатькә карата сакчыл мөнәсәбәтнең зарурилыгы турында искә төшерүгә әйбәт кенә сәбәп тә. Күмәк эш бер-береңне яхшырак белүгә һәм шәһәребезне үстерү өчен матди файда китерүгә ярдәм итә”, – дип үзләренең фикере белән уртаклашты экологлар.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования