Рус географик җәмгыяте бәйгесендә җиңүчеләр Сербиядә фәнни-агарту программасында катнаша

13 июнь 2019 ел., пәнҗешәмбе

Россиянең яшь галимнәре һәм җәмәгать эшлеклеләре Сербия Республикасына сәфәр кылырга әзерләнә. Рус географик җәмгыятенең Белград университеты базасында фәнни-агарту программасында катнашуга үткәрелгән конкурс җиңүчеләре алар. Копаоник тау массивының  (максималь биеклеге – 2000 метр) физик-географик  үзенчәлекләре, Сербиянең тарихи ядкәрләре белән танышуны, туристлык, сәнәгать һәм авыл хуҗалыгы объектларында булуны күздә тоткан чара 1-15 июльдә үткәрелә. Чарада катнашучылар өчен шулай  ук Россия-Сербия гуманитар үзәге, Рус географик җәмгыятенең Сербиядәге үзәге вәкилләре белән очрашулар, тематик лекцияләр, тренинглар һәм мастер-класслар үткәрүне күздә тоткан эшлекле программа оештырылган.

ТР ЭТРМ матбугат хезмәте

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования